Adolat

Adolat
	;
Qardosh loyihalar
	Vikipediyadagi maqola Vikimaʼlumotlar sahifasi Vikiombordagi tasvirlar

Adolat, adl — ijtimoiy-falsafiy, ahloqiy va huquqiy tushuncha. Bu sifatga ega boʻlgan kishi adolatli, odil deyishadi.

A

	Adolat butun kamolot majmui boʻlsa, yomonlik uning aksi, yaʼni butun kamchiliklar majmuidir^[1].
	— Jaloliddin Davoniy

	Adolatning faqat bitta surati bor, zulmning boʻlsa — mingta^[2].
	— Qozi Ahmad Gʻafforiy

	Adolatning ikki tarafi bor: biri zohiriy adolat, yaʼni sen va xalq orasidagi va ikkinchisi botiniy — sen va Alloh orasidagi adolatdir. Adolat yoʻli — toʻgʻri, haqqoniy va fazilat ato etuvchi yoʻldir^[3].
	— Ahmad Antokiy

	Adolat — odil boʻlish, zolim boʻlmaslik, nohaqlik qilmaslik juda ahamiyatli goʻzal axloq turlaridan hisoblanadi^[4].
	— Mahmud Asʼad Joʻshon

	Adolat — oxiratda najot, dunyoda saodat boshidir^[5].
	— Ali ibn Abu Tolib

	Agar adolat himoya qilinmasa, zaif va kuchli odamlar yoʻqolib ketadi. Modomiki, zaiflar qirilib ketar ekan, kuchlilar ham omon qolmaydi. Chunki kishilarning turmushi bir-biri bilan oʻzaro bogʻliq. Xullasi kalom, xalqning ahvoli adolatsiz yaxshilanmaydi^[2].
	— Husayn Voiz Koshifiy

	Ikkala daʼvogar rozi boʻlishibdi-yu, qozi rozi boʻlmabdi^[6].
	— Abu Rayhon Beruniy

	Maʼmur boʻlur adl ila har qayda viloyat^[5].
	— Lutfiy

	Mumkinmi chivinni qilichda chopmoq, Sher nechuk pashshaga urgay shapaloq?!^[7]
	— Xusrav Dehlaviy

	Obidning ibodati nafsini, odilning adolati olamni isloh etar^[8]^[6].
	— Arab hikmati

	Olijanoblik haqida muhokama yurgizish, bu hali olijanoblikni bildirmaydi, xuddi shuningdek, odillik haqida oʻylashning oʻzi ham amalda odil boʻlish degan gap emas^[9].
	— Arastu

	Podshohlar oʻzlarini adolat bilan bezatishlari kerak, xalq bunday podshohga ehtirom koʻrsatishi zarur^[8]^[6].
	— Abdulloh Muqni

	Hokimiyat jilovi odil podshoh qoʻlida boʻlsa, hamma adolatli boʻlishga va yaxshi xislatlarni egallashga intiladi. Aksincha boʻlsa, xalq yolgʻonchilik va boshqa yaramas hatti-harakatlarga moyillik koʻrsatadi^[6].
	— Jaloliddin Davoniy

	Oʻrinli, axloqli va adolatli yashamay turib, yaxshi umr kechirib boʻlmaydi va aksincha, yaxshi umr kechirmy turib, oʻrinli, axloqli va adolatli yashab boʻlmaydi^[10].
	— Epikur

↑ Tursun 2006, s. 110.
↑ ^2,0 ^2,1 Tursun 2006, s. 109.
↑ Tursun 2006, s. 113.
↑ Tursun 2006, s. 112.
↑ ^5,0 ^5,1 Tursun 2006, s. 106.
↑ ^6,0 ^6,1 ^6,2 ^6,3 Tursun 2006, s. 105.
↑ Tursun 2006, s. 111.
↑ ^8,0 ^8,1 Ahmad Muhammad. Sharq haqni topdi..., (Sharq donishmandlari va allomalarining sara hikmatlari), Toshkent: „Sharq“ nashriyoti, 2006 — 124-bet.
↑ Voronsov 1989, s. 28.
↑ Voronsov 1989, s. 29.

Tursun, Ahmad. Sharq donishmandlari hikmatlari. Toshkent: „Sharq“ nashriyot-matbaa aksiyadorlik kompaniyasi, 2006 — 208-bet.
Voronsov, Vladimir. Tafakkur gulshani, Sharifa Abdurazzoqova tarjimasi, Toshkent: Gʻafur Gʻulom nomidagi Adabiyot va sanʼat nashriyoti, 1989 — 464-bet. ISBN 5-635-00915-X.