Maksim Gorkiy
(Gorkiydan yoʻnaltirildi)
| Maksim Gorkiy | |
|---|---|
 | |
| Umumiy maʼlumotlar | |
| Tavalludi |
16 (28) mart 1868 Nijniy Novgorod |
| Vafoti |
18-iyun 1936 Gorki-10 |
| Qardosh loyihalar | |
Maksim Gorkiy (ruscha: Максим Горький; asl ismi Aleksey Maksimovich Peshkov (ruscha: Алексей Максимович Пешков); Andoza:OldStyleDate, Nijniy Novgorod – 1936-yil 18-iyun, Moskva) – rus va sovet yozuvchisi va jamoat arbobi. Sobiq Ittifoq yozuvchilar uyushmasi boshqaruvining birinchi raisi. Besh marta Adabiyot boʻyicha Nobel mukofotiga nomzod etib koʻrsatilgan.
Iqtiboslar
[tahrirlash]- Agar odamni bir qarashdayoq butun sirru asrorini bilib olsang, unga qiziqmay qolasan. Inson imkon qadar oʻzida barcha xislatlarni jamlagani holda, yana nimasi bilandir sirli tuyulmogʻi kerak[1].
- Biz bir-birimizga eʼtibor bilan munosabatda boʻlishni oʻrganishimiz kerak, dunyoda eng ajib, eng oliy xilqat — inson ekanligini tushunmogʻimiz kerak[2].
- Har bir kishida yaratuvchining dono qudrati yashiringani, shuning uchun bu qudratning taraqqiy etishi, gullab-yashnashiga imkon berish lozimligini unutmagan holda bir-biringizni izzat-ikrom qiling[2].
- Hayotimning eng mushkul damlarida ham, eng ogʻir daqiqalarida ham qalbim: „Yashasin inson!“ — degan gimnni kuylaydi[3].
- Insonni ulugʻ va donishmand qilishga kollektiv mehnat, ahil, hur mehnat kuchi bajara oladigan vazifani boshqa hech qanday kuch bajara olmaydi[5].
- Kishi odamlarning doʻsti boʻlmogʻi kerak, — oʻzida va ularda mavjud fazilatlarning bari uchun u odamlardan qarzdordir[6].
- Kollektiv kishini faolroq, qatʼiyatliroq, harakat qilish uchun, hayotni qurish uchun kollektiv irodasidan iroda oladigan butunlay boshqacha individual psixologiya bilan yaratadi[5].
- Kurramizdagi eng dilbar, eng ajoyib xilqat deb hisoblangan inson bilan faxrlanishni oʻrganmagunimizcha, to oʻsha payt kelmagunicha hayotimizdagi qabihlik va yolgʻondan qutula olmaymiz[2].
- Men maqollardan juda koʻp narsani, boshqacha qilib aytganda, — loʻnda fikrlashni oʻrganganman[7].
- Men rus xalqini bilaman va uning fazilatini boʻrttirishga moyil emasman, lekin imonim komil va men ishonamanki, ana shu xalq roʻyi zaminning maʼnaviy olamiga oʻziga xos va teran, barcha uchun muhim boʻlgan allanimani olib kirishi muqarrar[8].
- Men uchun insondan qimmatliroq biron-bir kitobiy haqiqat yoʻq. Inson demak oʻziga butun bir olamni olib yuradigan jonu jahondir va u abadul-abad yashasin[3].
- Sotqinni hech kimga va hech narsaga solishtirib boʻlmaydi. Menimcha, hatto terlama biti ham sotqinga qiyoslansa, haqoratlangan boʻlur edi[9].
Manbalar
[tahrirlash]- ↑ Voronsov 1989, s. 37.
- ↑ 2,0 2,1 2,2 Voronsov 1989, s. 36.
- ↑ 3,0 3,1 Voronsov 1989, s. 33.
- ↑ Voronsov 1989, s. 35.
- ↑ 5,0 5,1 Voronsov 1989, s. 31.
- ↑ 6,0 6,1 Voronsov 1989, s. 30.
- ↑ 7,0 7,1 Voronsov 1989, s. 8.
- ↑ Voronsov 1989, s. 16.
- ↑ Voronsov 1989, s. 21.
Adabiyotlar
[tahrirlash]- Voronsov, Vladimir. Tafakkur gulshani, Sharifa Abdurazzoqova tarjimasi, Toshkent: Gʻafur Gʻulom nomidagi Adabiyot va sanʼat nashriyoti, 1989 — 464-bet. ISBN 5-635-00915-X.