Jamiyat

Jamiyat
	;
Qardosh loyihalar
	Vikipediyadagi maqola Vikimaʼlumotlar sahifasi Vikilugʻatdagi maʼnolari Vikiombordagi tasvirlar Wikinewsdagi yangiliklar

Jamiyat (lotincha: socium — „umumiy“) — kishilarning tarixan qaror topgan hamkorlik faoliyatlari majmui hisoblanadi. Jamiyatdagi hamma narsa (moddiy va maʼnaviy boyliklar, insonlar hayoti uchun zarur boʻlgan shart-sharoitlarni yaratish va boshqalar) muayyan faoliyat jarayonida amalga oshadi.

A

	Agar odam tabiatan ijtimoiy mavjudot ekan, binobarin, u oʻzining chinakam tabiatini faqat jamiyatda kamol toptira oladi...^[1]
	— Karl Marx

I

	Insonni jamiyatdan tashqarida tasavvur qilib boʻlmaydi^[2].
	— Lev Tolstoy

	Insonlar odamlar orasidagina odam boʻla oladi^[1].
	— Iogannes Robert Bexer

K

	Kishi jamiyat uchun yaralgan. U bir oʻzi yashashga layoqatli emas va bir oʻzi yashashga jurʼati yetmaydi^[1].
	— Uilyam Blekstoun

	Kishi odamlarning doʻsti boʻlmogʻi kerak, — oʻzida va ularda mavjud fazilatlarning bari uchun u odamlardan qarzdordir^[1].
	— Maksim Gorkiy

	Kishini tabiat yaratadi, lekin uni jamiyat kamol toptiradi va shakllantiradi^[1].
	— Vissarion Belinskiy

	Kishi uzlatda yashay olmaydi, unga jamoat kerak^[1].
	— Iogann Volfgang fon Gyote

J

	Jamiyat boyligi uni tashkil etgan shaxslarning rango-rangligidan tarkib topadi, chunki tarbiyaning oliq maqsadi — insonning oʻzi^[3].
	— Vasiliy Suxomlinskiy

	Jamiyatda yashab turib, undan chetda boʻlmoq mumkin emas^[2].
	— Vladimir Lenin

	Jamiyatsiz inson oʻzida kamolotga yetishish istagining ojizligi bilan gʻarib bir holga tushgan boʻlardi. Lekin hammadan ham muhimi — bizning kamolotimiz jamiyatsiz deyarli maqsadsiz boʻlur edi^[1].
	— Uilyam Godvin

K

	Kishi jamiyatda yashash uchun yaralgan; uni jamiyatdan ajratib, yakkalab qoʻysangiz — fikrlari ham almoyi-aljoyi boʻlib qoladi, xarakteri yomonlashadi, yuragida yuzlab noraso ehtiroslar tugʻiladi, xuddi choʻlda oʻsgan yovvoyi togʻolcha singari miyasida bemaʼni gʻoyalar tomir yoyadi^[4].
	— Deni Didro

M

	Muloqot kishini goʻzallashtirib, unga ulugʻvorlik baxsh etadi; jamoat ichida odam har qanday soxtagarchilikni yigʻishtirib qoʻyib, oʻzini beixtiyor boshqacha tutadi^[1].
	— Lyudvig Andreas Feyerbax

O

	Odam tabiatan ijtimoiy mavjudotdir^[1].
	— Arastu

S

	Sen qanchalik istaganingda ham, odamzod turmushidan oʻz hayotingni ajratib ololmaysan. Sen u bilan bir jonu bir tansan. Oyoq, qoʻl-koʻz singari biz oʻzaro aloqa uchun yaratilganmiz^[1].
	— Mark Avreliy

Y

	Yerdan sugʻurib olinib, qumli sahroga tashlangan giyoh halok boʻlganidek, shaxs baxti ham jamiyatdan tashqarida boʻlmaydi^[5].
	— Lev Tolstoy

Manbalar

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 Voronsov 1989, s. 30.
↑ ^2,0 ^2,1 Voronsov 1989, s. 29.
↑ Voronsov 1989, s. 32.
↑ Voronsov 1989, ss. 29–30.
↑ Voronsov 1989, s. 31.

Adabiyotlar

Voronsov, Vladimir. Tafakkur gulshani, Sharifa Abdurazzoqova tarjimasi, Toshkent: Gʻafur Gʻulom nomidagi Adabiyot va sanʼat nashriyoti, 1989 — 464-bet. ISBN 5-635-00915-X.

[FOOTNOTEVoronsov198930-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 Voronsov 1989, s. 30.

[FOOTNOTEVoronsov198929-2] 2,0 ^2,1 Voronsov 1989, s. 29.

[FOOTNOTEVoronsov198932-3] Voronsov 1989, s. 32.

[FOOTNOTEVoronsov198929–30-4] Voronsov 1989, ss. 29–30.

[FOOTNOTEVoronsov198931-5] Voronsov 1989, s. 31.

[1]

[2]

[3]

[4]

[5]