Agar uyingga mehmon kelsa „xush kelibsiz“ deb ochiq chehra bilan kutib ol, mehmonni ochiq yuzlilik bilan kutib olish, katta ziyofat qilish bilan barobardir![1] — „Favoqih al-julaso“ asaridan
Bir mehmon: „Mehmon uchun mezbonning toʻqligidan koʻra zararliroq narsa yoʻq“ deb hazillashgan edi. Chunki mehmonning oldiga ovqat olib kelinsa-yu, mezbon ovqat yeb, toʻyib olgan boʻlsa mehmon bilan birga yeyisholmaydi, natijada mehmon uyalib, bemalol yeya olmasligi mumkin[2]. — „Favoqih al-julaso“ asaridan
Doʻstlar bilan mehmonda yeyilgan taom lazzatli boʻladi. Ajdodlarimiz dasturxonga biratoʻla barcha neʼmatlardan keltirib qoʻyishni odat qilganlar. Buning sababi shuki, har kim oʻziga yogʻgan narsadan yeydi. Xabarlardan maʼlum boʻlishicha, kishi ertalab biror narsa yemasa kasalga chalinadi. Ertalab choy ichilmasa, bosh ogʻrishining sababi ham shu[3]. — „Favoqih al-julaso“ asaridan
Mehmonda ulugʻ odamlar oʻtirgan boʻlsa, ovqatga ulardan oldin qoʻl uzatma, ovqat olib chiqiladigan tomonga qarayverma[2]. — „Favoqih al-julaso“ asaridan
Mehmonga borganingda uy egasidan suv yoki tuzgina soʻrab olishing mumkin. Bulardan boshqa narsalarni soʻrab olib yeyish beodoblik hisoblanadi[2]. — „Favoqih al-julaso“ asaridan
Uyingga mehmon kelsa, mehmonlar miqdori oz boʻlsa, birga oʻtir. Koʻpchilik boʻlsa oʻzing turib xizmat qil. Goho ularga: „Qani, narsalardan yeb oʻtiringlar“ deb taklif qil, ammo qistashni haddan oshirma![1] — „Favoqih al-julaso“ asaridan
Vikipediya maqolasi
Vikilugʻatdagi maʼnolari
Wikimedia Commonsdagi media fayllari