Mila Kunis
Milena Markovna „Mila“ Kunis (ukraincha: Mіlena Markіvna Kunіs; ruscha: Milena Markovna Kunis) (14-avgust, 1983-yil) – ukrain-amerikalik aktrisa.
Iqtiboslar
[tahrirlash]- Hammasi nuqtayi nazarga bogʻliq. Sizning va mening normallik haqidagi tushunchalarimiz turlicha. Farzandlarimning dunyoqarashi ham butunlay boshqacha. Shuning uchun bu – qarashlar masalasidir. Siz ularni xilma-xillik bilan qurshab olishga harakat qilasiz. Biz ham hayotning barcha jabhalari bilan tanish boʻlishga va oʻz qobigʻimizda qolib ketmaslikka intilamiz. Lekin bu juda qiyin. Buning aksini aytgan odam yolgʻon gapirayotgan boʻladi.
- Men oʻzimni doim amerikalik kabi his qilganman. Odamlar menga: „Siz juda sharqiy yevropalik ekansiz“, deyishardi. Men esa: „Men Los-Anjelesdanman!“, deb javob berardim.
- Men farzandlarimga qaradim va: „Siz yarim ukrain, yarim amerikaliqsiz!“, dedim. Buni qayta-qayta taʼkidladim. Ular esa: „Ha, oyi, tushundik“, deb javob berishdi. Men esa toʻxtamadim: „Yoʻq! Siz ham ukrain, ham amerikaliqsiz. Siz yarim Ayova, yarim Ukrainasiz“, dedim. Ular buni qabul qilishdi. Ukrainadan ekanligim men uchun uzoq vaqt ahamiyatsiz boʻlib keldi. Buning qadri boʻlmagandek edi. Hatto koʻp sabablarga koʻra doim: „Men Rossiyadanman“, deb aytardim.
- Rossiya xalqini dushman deb bilishimiz kerak deb oʻylamayman. Men buni alohida taʼkidlashni istayman. Matbuotda bu haqda yetarlicha gapirilmayapti. Hozirda „agar biz bilan boʻlmasangiz, bizga qarshisiz“ degan tushuncha shakllanib qoldi. Men odamlarning bu ikki masalani aralashtirib yuborishini xohlamayman. Gap Rossiya xalqi haqida ketmayapti. Odamlardan bu vaziyatga „ayb xalqda emas, hokimiyatdagilarda“ degan nuqtayi nazardan qarashlarini soʻrayman.
- Shuningdek, odamlarning tushkunlikka tushib, dunyodagi turli muammolarni bir-biriga solishtirishlarini xohlamayman. Baʼzilar: „Nega hamma shu muammoga eʼtibor beryapti-yu, boshqa masalalarga eʼtiborsiz?“, deyishmoqda. Bunday qilmaslik kerak. Hozirgi kunda diqqatni ayni vaqtdagi vaziyatga qaratish lozim. Chunki bu muammo nafaqat mintaqa, balki butun dunyo uchun halokatli boʻlishi mumkin. Buni unutmaslik kerak.
- Oʻylaymanki, 26 yoshda professional balerina boʻlishga urinish insonni jismonan yakson qiladi. Har kecha vanna qabul qilish va bir qadah vino ichishni intizorlik bilan kutardim.
- „An Interview With The Black Swan – Mila Kunis“ (2011-yil 11-may)
- Har bir filmdan yangi narsa oʻrganasiz. Tajribamdan kelib chiqib aytamanki, qaysi film yangi imkoniyatlar ochishini hech qachon bilmaysiz. Bu kutilmaganda sodir boʻladi.
- „An Interview With The Black Swan – Mila Kunis“ (2011-yil 11-may)
- Oʻn sakkiz yoshimda sohani tark etmoqchi boʻldim. „70-yillar shousi“dagi shartnomamni tugatib, kollejga oʻqishga kirmoqchi edim. Sakkiz yil bir shouda qatnashganimdan soʻng, bir xil qolipdagi rollarga tushib qolishdan qoʻrqdim. Biroq kollejdagi urinishim muvaffaqiyatsiz tugadi. Oʻqishni tashlab, aktrisalik bilan shugʻullanishga qaror qildim. Shundan soʻng oʻzimni bu sohadan ajratishni oʻrgandim. Hayotim va ishim bir-biriga aralashmasligi kerak edi. Agar buni qilmaganimda, koʻplab rad javoblaridan keyin tushkunlikka tushib qolgan boʻlardim. Men uchun hayotda doim muhimroq narsalar bor edi: oilam, shaxsiy hayotim va sevimli mashgʻulotlarim. Aktrisalik esa shunchaki mening ishim edi.
- „Mila Kunis Interview EXTRACT“ in Collider (2009-yil 3-sentabr)
- Men oʻqishdan haydalmadim, shunchaki uni tashladim. Men yomon oʻqimaganman. Asosiy muammo – nima oʻqishni bilmaganimda edi. Muayyan daraja beruvchi darslardan koʻra, menga qiziq boʻlgan fanlarni, masalan, sionizm nazariyasini oʻrgandim. Keyin ota-onam bilan gaplashib, bu kasbni sevishimni aytdim. Ular esa: „Unday boʻlsa, oʻqishni tashlay qol“, deyishdi.
- „Mila Kunis Interview EXTRACT“ in Collider (2009-yil 3-sentabr)
- Uchinchi sinfga borib, ingliz tilida bemalol gapira boshladim. Ikkinchi sinfni deyarli eslamayman. Bu ogʻir davr boʻlgani uchun xotiramdan oʻchirib tashlagan boʻlsam kerak. Ota-onamning aytishicha, har kuni maktabdan yigʻlab kelarkanman. Madaniyatni, odamlarni tushunmasdim. Masalan, yetti yoshimda birinchi marta afroamerikalikni koʻrganman. Turli rangdagi yoki qizil sochli odamlar borligini bilmasdim. Gap faqat tilda emas edi. Madaniy shok til oʻrganishdan koʻra ancha qiyinroq kechgan.
- „Mila Kunis Interview EXTRACT“ in Collider (2009-yil 3-sentabr)
- Komediya – juda murakkab janr. Hozir kulgili tuyulgan narsa bir yildan keyin film chiqqanda oʻz jozibasini yoʻqotishi mumkin. Eng qiyini ham shunda. Men turli obrazlarni gavdalantirishni va odamlarni koʻngilochishini yaxshi koʻraman. Bu komediya boʻladimi yoki drama, ahamiyati yoʻq. Agar sizni kuldira olsam yoki yigʻlata olsam, men maqsadimga erishgan boʻlaman.
- „Mila Kunis Interview EXTRACT“ in Collider (2009-yil 3-sentabr)
- Ayollarda tabiatan mukammal koʻrinishga intilish bor. Mukammal obraz yaratish, mukammal harakat qilish va farzandlarining ham maʼlum bir qolipda boʻlishini xohlashadi. Ayollar oʻzlariga juda katta bosim oʻtkazadilar.
- Men pardoz qilmayman. Har kuni sochimni yuvmayman. Bu narsalar mening shaxsiymatim bilan bogʻliq emas. Eylayner surtish uchun 30-40 daqiqa vaqtini sarflaydigan ayollarga qoyil qolaman. Bu goʻzal, lekin men unday emasman. Shuning uchun suratga olish maydonchasida yuzimga shunchaki krem surtib yuborishsa, xursand boʻlaman.
- Afsuski, har qanday sohada va ish muhitida ayollar maʼlum darajadagi mukammallikka intiladilar. Bu oriq yoki chiroyli boʻlishni anglatadi. Bu jamiyatimizdagi oʻzgarmas holatdir.
- „Natalie Portman and Mila Kunis dish Black Swan“ in sheKnows (2010-yil 30-noyabr)
- Qahramoningizga nisbatan samimiy boʻlishingiz va uni haqiqatga yaqin qilib oʻynashingiz kerak.
- „Natalie Portman and Mila Kunis dish Black Swan“ in sheKnows (2010-yil 30-noyabr)
- Paparatsilar – bezorilikning (bulling) eng yomon koʻrinishi. Yolgʻonlarni nashr etish va asossiz ayblovlar qoʻyish shunchaki bezorilikdir.
- Har bir rolni olganimda, uni ijro eta olishimga ishonaman. Lekin „mukammal“ soʻzini ishlatmagan boʻlardim. Chunki men mukammallikka ishonmayman. U mavjud emas.
- „Mila Kunis Interview BLACK SWAN“ in Collider (2010-yil 23-noyabr)
- Odamlarning siz qanday boʻlishingiz kerakligi haqida oʻz tasavvurlari bor. Agar koʻrimsiz va ortiqcha vaznli boʻlsangiz, demak, xarakteringiz yaxshi deb oʻylashadi. Agar jozibali boʻlsangiz, sizni yomon odam deb oʻylashlari mumkin. Odamlar mening sodda, lekin ahmoq emasligimdan hayratda qolishadi.
- „I am not a party girl: Mila Kunis“ in The Indian Express (2012-yil 6-mart)
- Ayollar va erkaklar oʻrtasida doim ikki xil standart boʻlib kelgan. Oʻylashimcha, aktrisalar aktyorlarga qaraganda oʻzlarining ommaviy imidjini koʻproq himoya qilishga majbur boʻlishadi.
