Qabr, goʻr – marhumni dafn etish uchun tayyorlangan maxsus joy. Qabr har bir xalqning urf-odati, yashaydigan geografik muhiti, kishilarning tabiiy, ilmiy tasavvurlari, diniy eʼtiqodlariga koʻra bir-biridan farq qiladi.
Bu ummat (musulmonlar)ning koʻplari qabrlarga masjid qurish yoki masjid qurmasa-da, qabrlarni ibodatgoh qilib olish balosiga mubtalo boʻlgan. Vaholanki, bularning ikkisi ham harom va bu ishni qiluvchi kishi Alloh taolo rahmatidan benasibdir[1].
Ey insonlar! Bugun siz yaxshilik va yomonliklar ajratib olinayotgan hayot uyida yashamoqdasiz. Va juda yaqin bir kunda boshqa uyga, manavi qabrga koʻchib oʻtishga majbursiz. Bu qabr — yolgʻizlik, qorongʻulik uyidir, siqilish va tanglik-qiyinchilik uyidir[2].
Kimki qabr zikrini koʻpaytirsa, uni jannat bogʻlaridan boʻlgan bogʻdek topadi, kimki oʻshandan gʻofil qolsa, uni doʻzax chohlaridan boʻlgan chohdek topadi[3].
