Xotin

Xotin
	;
Qardosh loyihalar
	Vikipediyadagi maqola Vikimaʼlumotlar sahifasi Vikilugʻatdagi maʼnolari Vikiombordagi tasvirlar Wikinewsdagi yangiliklar

Xotin, rafiqa, zavja, turmush oʻrtoq — biror erkak nikohidagi ayol.

A

	Aksariyat yaxshi erning qadriga yetmagan xotinga Alloh yanada zolimroq erni, soliha ayolning qadriga yetmagan erga esa kuydiruvchi xotinni roʻpara qilib qoʻyadi^[1]. [„Kuyov toʻra, sizga aytar soʻzim bor“ asari, „Uchinchi gurung: Doka roʻmol qachon quriydi?“ boʻlimidan]
	— Tohir Malik

	Aql-idrokdan mahrum boʻlgan bosh — suvsiz chashmaga, adabsiz, tarbiyasiz yigit — egar-jabduqsiz otga, sharm-hayosiz xotin — tuzsiz taomga, ilmiga amal qilmagan olim — xushboʻy, ammo guli yoʻq boʻstonga oʻxshaydi^[2].
	— Abul Muʼin

	Eriga tik gapirmagan xotin xotinlarning afzalidir^[3].
	— Otalar soʻzi

	Erkak uchun eng yaxshi libos — shirinsoʻzlik, xotin uchun eng aʼlo kiyim — ochiq yuzlik^[4].
	— Muʼiniddin Juvayniy

	Vafoli xotinning bahosi yoʻqdir, Vafosiz boʻlsa gʻar koʻziga uqdir!
	— Otalar soʻzi^[3]

	Xotinlarning eng yaxshisi shundaki, ham bola oʻstiradi, ham mehr koʻrsatadi.
	— Otalar soʻzi^[3]

	Xotinning iffati — erning izzati.
	— Otalar soʻzi^[3]

	Xotin sodiq ani sevgil aziz er, Har ogʻir ishda ham doim seni der. Unga doʻst boʻlgil, uni sevgil, koʻngul ber. Uning soʻz bahridan gavharlarin ter.
	— Sayfi Saroyi^[5]

	Yaxshi xotin erni yoshartiradi.
	— Otalar soʻzi^[3]

Xomidiy, Hamidjon; Hasaniy, Mahmud. Mashriqzamin hikmat boʻstoni. Toshkent: „Sharq“ nashriyotmatbaa konserni, 1997 — 251-bet. ISBN 978-9943-00-130-5.
Tursun, Ahmad. Sharq donishmandlari hikmatlari. Toshkent: „Sharq“ nashriyot-matbaa aksiyadorlik kompaniyasi, 2006 — 208-bet.
Malik, Tohir. Kuyov toʻra, sizga aytar soʻzim bor. Toshkent: „DAVR PRESS“ nashriyoti, 2019 — 685-bet. ISBN 978-9943-5555-2-5.

Farzand va ota-ona

Ota-ona, Oila
Erkak (Er, Ota, Bobo) · Ayol (Xotin, Ona, Juvon, Buvi) · Erkaklar va ayollar · Er-xotin