Shaytanat

Shaytanat — Oʻzbekiston xalq yozuvchisi Tohir Malik qalamiga mansub 5 kitobdan iborat qissa.

Iqtiboslar

• — Men do‘zaxda kuyishimni bilaman, ammo mendan oldin o‘sha sovet hokimiyati kuysin.
  — Nega? — deb so‘raydi ota.
  — Agar otamni begunoh olib ketishmaganida, uni o‘ldirishmaganida — onam o‘lmas edi, ukam o‘lmas edi, men esa bu ko‘chaga kirmas edim, — deb javob qaytaradi Asadbek.
  Shunda Muhiddin ota deydi:
  — Otasi otilganlarning barchasi ham bu ko‘chaga kirgan emasku...
• Yoshlikda odatlansang, qariguncha koʻnikasan. Qariganda odatlansang, koʻnikkuncha koʻmilasan.
• Bir kuni oʻrtogʻiga yuragini oʻrtayotgan orzularini aytdi:
  — Pulni nima qilasan, mashina olasanmi? — deb soʻradi oʻrtogʻi.
  — Yoʻq, otamni topib, uni boqaman.
  — Nega? — deb hayron boʻldi oʻrtogʻi.
  — U bizni boqolmay tashlab ketgan ekan. Erkak kishining bunday qilishi — nomardlik. Nomardlik jazosiz qolmasligi kerak. Men uni boqib jazolayman. Har tishlam nonni tishlaganda meni tashlab ketganidan uyaladi, afsuslanadi. Afsuslanib, afsuslanib, yuragi siqilib qiynaladi. Qiynalib-qiynalib, oxiri oʻladi...
• Dengiz ichra charx uruvchi girdobni,
  Qaydan bilsin qirgʻoqdagi maysalar.
• Men qarshimda musht koʻtarib kelayotgan dushmanimdan emas, ortimda qoʻl qovushtirib turgan doʻstimdan qoʻrqaman, chunki koʻnglimning sirlari uning qoʻlida.
• Ulugʻlaylik, doʻstlarni deb jonni bergan erlarni,
  Qadrlaylik yaxshilikka buloq boʻlgan dillarni.
• — Axir, u pul olmaydigan eshak-ku.
  — Agar u pul olmaydigan eshak boʻlsa, sen berolmaydigan molsan. Bu dunyoda olmaydiganlar qolmagan.
• Chinakam erkak boʻlish uchun oʻgʻil bola boʻlib tugʻilish kifoya emas.
• Dunyo shaytonning doʻkonidir, undan biror nima oʻgʻirlamaki, shayton uni qaytarib olishga kelib dodingni bermasin.