Sovet Sotsialistik Respublikalari Ittifoqi, SSSR, Sovet Ittifoqi — sobiq Rossiya imperiyasi hududining katta qismida 1922—91-yillarda mavjud boʻlgan davlat.
...Bizning Sovet sotsialistik respublikamiz xalqaro sotsializm mashʼali sifatida, barcha mehnatkash ommaga namuna sifatida metindek mustahkam turadi[1].
Butun dunyo mazlumlarining ezgu orzu-armonlarini qamraydigan va qoniqtiradigan yangi jamiyat shakli sifatida bunyod boʻlgan Sovetlar keng rus xalqi ommasining xilma-xil talablariga javob bora borib, oʻz barhayotligini isbot etdi[1].
Moʻjizalar diyori, moʻjizalar diyori. Bu soʻzlar bolalikning sehrli ertaklaridan bizning zaminga, moʻjizadan-moʻjiza sari borayotgan va biz yashayotgan Sovetlar diyoriga tashrif buyurdi[2].
Sovet Ittifoqi butun dunyo xalqlarining eng otashin umidi samarasidir, u orzularimizning jonli timsoli, sotsial taraqqiyotning eng qudratli namunasidir[3].
Sovet Ittifoqi kishilik jamiyatini ancha ilgari surdi va yorqin bir mashʼala yoqdiki, uni oʻchirish mumkin emas. U yangi sivilizatsiyaga poydevor qurdi, unga butun dunyo intilishi mumkin[4].
Sovet Ittifoqi oʻzining mislsiz qurilishi, oʻzining qahramonona xaloskorligi, oʻzining gʻoyat koʻlamli tajribasi bilan koʻpgina xalqlar va koʻpgina odamlarning hayotini nurafshon etdi[3].
Sovet respublikasi qashshoqlikda tugʻildi. Yengilmas bu respublika barcha adolatsiz va zulmkor hukumatlarga halokat dahshatini soluvchi yangi ruh dargʻasi sifatida maydonga chiqdi[4].
Oʻz erki, oʻz mustaqilligi, oʻz baxtini yaratish uchun odamlar qay yerdaki kurash olib bormasinlar — hamma joyda Sovet Ittifoqining ulugʻ timsoli ular bilan yonma-yon turadi[6].
Chor imperiyasi vayronasi ustida barpo boʻlayotgan ulugʻ davlatning sanoat sohasidagi va sotsial sohadagi yutuqlari shu qadar ulkanki, butun dunyoda boʻlayotgan hodisalarning birortasi ham menda bunchalik chuqur taassurot qoldirmagan[1].
Voronsov, Vladimir. Tafakkur gulshani, Sharifa Abdurazzoqova tarjimasi, Toshkent: Gʻafur Gʻulom nomidagi Adabiyot va sanʼat nashriyoti, 1989 — 464-bet. ISBN 5-635-00915-X.
.svg)
