Takabburlik

Takabbur
Qardosh loyihalar
	Vikipediyadagi maqola Vikimaʼlumotlar sahifasi Vikilugʻatdagi maʼnolari

Takabburlik, mutakabbirlik — takabbur odamlarga xos xislat, xatti-harakat, qiliq. Bundan xislatga ega kishilar takabbur, mutakabbir deyiladi.

A

	Alloh Adn jannatini yaratdi va unga qarab: „Sen jamiki takabburlarga haromsan!“ dedi^[1].
	— Vahb ibn Munabbah

E

	Ey mutakabbir banda, sen jannatga kirishni xayolingga ham keltirmagin. Chunki Iblis jannatdan kibr-u havosi tufayli haydalgan. Kibr-u havo qilgan insonlar jannatga kiritilmaydilar^[2].
	— Ali ibn Abu Tolib

J

	Johil kishilar oldida kamtarlik qilmagil, aks holda ular nazarida sen tuban va sharmandadirsan. Haqir va notavon koʻrinmay desang, donolar oldida takabbur boʻlmagil^[3].
	— Majididdin Xavofiy

M

	Mutakabbir boʻlishdan oʻzingni saqla. Takabburlik — johillar odati, aqlli odamlar mutakabbir boʻlmaydilar^[4].
	— Farididdin Attor

Q

	Qiyomat kunida mutakabbirlar odamlar suratidagi mayda chumoli holatida keltiriladi. Ularni har tomonlama xorlik oʻrab oladi. Olovlardan boʻlgan doʻzaxga yoʻnaltiriladi hamda doʻzax ahlidan siqilgan suv bilan sugʻoriladi^[5].
	— Kaʼbul Axbor

T

	Takabburga salom berma, salomga javob qaytarishi unga ogʻirlik qiladi, javob bermagani esa senga ogʻir tuyuladi^[6].
	— Husayn Voiz Koshifiy

	Takabburlikni qanchalik xursandlig-u shodlikka tomon aylantirishga urinsang ham, asli loy boʻlganidan keyin kulol singari, yaʼni tuproqqa (loy ishlariga) qaytishi muqarrar^[6].
	— Abulqosim az-Zamaxshariy

Y

	Yaxshilik uyining kaliti — kamtarinlikdir, yomonlik uyining kaliti — takabburlikdir^[7].
	— Yusuf ar-Roziy

	Yolgʻon soʻzlash, ezmalik, takabburlik, chaqimchilik kishining obroʻsini yoʻqotadi. Vafodorlik, sabr qilishlik, shoshma-shosharlikdan parhez qilish va tavozeʼ obroʻsini koʻtaradi^[8].
	— Junayd Bagʻdodiy

	Yolgʻonchilik, ezmalik, takabburlik, chaqimchilik izzat-obroʻni barbod qiladi^[5].
	— Junayd Bagʻdodiy

Oʻ

	Oʻlim qanchadan-qancha takabbur odamlarning boshlarini chuqurga, yaʼni qabrga uloqtirgan^[9].
	— Abulqosim az-Zamaxshariy

Manbalar

↑ Tursun 2006, s. 153.
↑ Tursun 2006, s. 154.
↑ Tursun 2006, ss. 64–65.
↑ Tursun 2006, s. 157.
↑ ^5,0 ^5,1 Tursun 2006, s. 156.
↑ ^6,0 ^6,1 Tursun 2006, s. 152.
↑ Tursun 2006, s. 158.
↑ Tursun 2006, s. 124.
↑ Tursun 2006, s. 151.

Adabiyotlar

Tursun, Ahmad. Sharq donishmandlari hikmatlari. Toshkent: „Sharq“ nashriyot-matbaa aksiyadorlik kompaniyasi, 2006 — 208-bet.

[FOOTNOTETursun2006153-1] Tursun 2006, s. 153.

[FOOTNOTETursun2006154-2] Tursun 2006, s. 154.

[FOOTNOTETursun200664–65-3] Tursun 2006, ss. 64–65.

[FOOTNOTETursun2006157-4] Tursun 2006, s. 157.

[FOOTNOTETursun2006156-5] 5,0 ^5,1 Tursun 2006, s. 156.

[FOOTNOTETursun2006152-6] 6,0 ^6,1 Tursun 2006, s. 152.

[FOOTNOTETursun2006158-7] Tursun 2006, s. 158.

[FOOTNOTETursun2006124-8] Tursun 2006, s. 124.

[FOOTNOTETursun2006151-9] Tursun 2006, s. 151.

[1]

[2]

[3]

[4]

[5]

[6]

[7]

[8]

[9]