Xasislik

Xasislik
	;
Qardosh loyihalar
	Vikipediyadagi maqola Vikimaʼlumotlar sahifasi Vikilugʻatdagi maʼnolari

Xasislik, ziqnalik, qizgʻanchiqlik — qizgʻanish, ziqnalik odati, xususiyati.

K

	Kishi qanchalik badavlat boʻlmasin, u xasis va baxil boʻlsa, el ichida obroʻsiz va qadrsiz boʻladi^[1]^[2].
	— Abulbarakot Qodiriy

	Mol ziqnalarning, qurol qoʻrqoqlarning, rahbarlik zaiflarning qoʻliga tushsa, ishlar buziladi^[3].
	— Abu Bakr Siddiq

	Odamlar ichidagi eng yaramasi xasisdir, ularning ichidagi eng yalqovi pastkashdir^[4].
	— Az-Zamaxshariy

	Olimlarning aytishlaricha, odamlar toʻrt toifadan iborat. Ularning birlari ochkoʻzdirlar. Oʻzlari yeb, boshqalarga bermaydilar. Ikkinchilari oʻtaketgan ziqnalar boʻlib, oʻzlari ham yemaydilar, boshqalarga ham bermaydilar. Uchinchi toifa saxiy kishilardirki, ular oʻzlari yeb, boshqalarga ham beradilar. Toʻrtinchisi – oliyhimmat odamlardir, oʻzlari yemay boshqalarga beradilar^[4].
	— Majididdin Xavofiy

	Torlik-ziqnalik qilmanglar, aks holda sizlarga torlik qilinadi^[5].
	— Hasan Basriy

	Xasis kishi oʻz shahrida ham begona^[6].
	— Ali ibn Abu Tolib

	Xasislik kishining qadrini yoʻqotadi, falokatlarga duchor etadi.
	— Otalar soʻzi^[7]

	Xasisning hadyasi sovunning koʻpigi, Berganingni unut, berganni yodda tut.
	— Otalar soʻzi^[8]

	Xasis xazinaga yetishsa nogoh, Hirsidan yoʻlini yoʻqotar gumroh^[9].
	— Xusrav Dehlaviy

Xomidiy, Hamidjon; Hasaniy, Mahmud. Mashriqzamin hikmat boʻstoni. Toshkent: „Sharq“ nashriyotmatbaa konserni, 1997 — 251-bet. ISBN 978-9943-00-130-5.
Tursun, Ahmad. Sharq donishmandlari hikmatlari. Toshkent: „Sharq“ nashriyot-matbaa aksiyadorlik kompaniyasi, 2006 — 208-bet.