Chaqimchilik

Chaqimchilik
Qardosh loyihalar
	Vikipediyadagi maqola Vikimaʼlumotlar sahifasi Vikilugʻatdagi maʼnolari

Chaqimchilik – chaqimchiga xos xatti-harakat va odatlar; gap tashuvchilik.

A B D E F G H I J K L M N O P Q R S T U V X Y Z Oʻ Gʻ Sh Ch Ng

F

	„Falon kishi sening haqingda bunday soʻzladi“, „Falonchi seni yomonladi“, deb soʻz yuritishga chaqimchilik, deyiladi. Chaqimchilikni insofli, odamgarchiligi bor kishi qabul qilmaydi. Chaqimchilar har xil boʻlmagʻur soʻzlarni adovat va hasadlari tufayli soʻzlaydilar.
	— Nizomiddin ibn Husayn^[1]

	Yolgʻon soʻzlash, ezmalik, takabburlik, chaqimchilik kishining obroʻsini yoʻqotadi. Vafodorlik, sabr qilishlik, shoshma-shosharlikdan parhez qilish va tavozeʼ obroʻsini koʻtaradi^[2].
	— Junayd Bagʻdodiy

	Yolgʻonchilik, ezmalik, takabburlik, chaqimchilik izzat-obroʻni barbod qiladi^[3].
	— Junayd Bagʻdodiy

	Chaqimchi sehrgardan ham yomonroqdir. Chunki chaqimchining bir soatda qiladigan ishini sehrgar bir oyda ham qilolmaydi
	— Yahyo ibn Aqsam^[1]

	Chaqimchi shunday kishiki, biror yerda eshitgan gapini darhol boshqa odamga borib aytadi, natijada ikki odam orasida fitna tugʻdiradi. Pokdil kishi birovdan eshitgan gapni birovga aytmaydi. Jimlik va sukunat yoʻlini ixtiyor etadi. Agar unga birov gap tashib kelsa, bunday ish qilmaslikka daʼvat etadi^[4]. [„Favoqih al-julaso“ asaridan]
	— Qayum Nosiriy

↑ ^1,0 ^1,1 Ahmad Muhammad. Sharq haqni topdi..., (Sharq donishmandlari va allomalarining sara hikmatlari), Toshkent: „Sharq“ nashriyoti, 2006 — 124-bet.
↑ Tursun 2006, s. 124.
↑ Tursun 2006, s. 156.
↑ Xomidiy & Hasaniy 1997, s. 188.

Xomidiy, Hamidjon; Hasaniy, Mahmud. Mashriqzamin hikmat boʻstoni. Toshkent: „Sharq“ nashriyotmatbaa konserni, 1997 — 251-bet. ISBN 978-9943-00-130-5.
Tursun, Ahmad. Sharq donishmandlari hikmatlari. Toshkent: „Sharq“ nashriyot-matbaa aksiyadorlik kompaniyasi, 2006 — 208-bet.