Charlie Chaplin
| Charlie Chaplin | |
| |
 Vikipediyadagi maqola
| |
 Vikimanbadagi asarlar
| |
 Vikiombordagi fayllar
|
Charlie Chaplin (talffuzi: Charli Chaplin)(16-aprel 1889-yil; 25-dekabr 1977-yil) — ingliz komik aktyori, rejissor, bastakor, ovozsiz kino davrining muhim shaxslaridan biri boʻlgan.
Iqtiboslar
[tahrirlash]- Komediya suratga olish uchun menga park, politsiyachi va bitta chiroyli qiz kifoya qiladi.
- Sevilmaganlargina nafratlanadilar.
- Men siyqasi chiqqan mavzudan qo‘rqmayman. Hayotning o‘zi to‘lasicha siyqalik. Axir har birimiz yashaymiz va o‘lamiz, bir kunda uch mahal ovqatlanamiz, sevamiz va sevmay qo‘yamiz.
- Hayotdagi eng qayg‘uli hol — hashamatga o‘rganib qolishdir.
- Hech qachon bola bo‘lmaganlar katta ham bo‘lmaydilar.
- Hamisha yerga qarab yuradigan odam kamalakni ko‘rolmaydi.
- Tabassumsiz kun — yo‘qotilgan kun.
- Aql meni xavotirga solishi, hatto kasal qilib qo‘yishi mumkin. Biroq uni yuragim bilan uyg‘unlashtira olsam, u o‘sha zahotiyoq mening bebaho ittifoqchimga aylanadi.
- Men kambag‘allikda hech qanday joziba yoki ibrat ko‘rmayman. U menga hech narsani o‘rgatmadi, hayotiy qadriyatlar haqidagi tasavvurlarimni buzdi, xolos. Jamiyatning oliy sinfi deb ataluvchi boylarning iqtidori va fazilatlarini hurmat qilmaslikni uqtirdi.
- Hamma gap samimiyatda. Chol banan po‘chog‘iga sirpanib yiqilib tushdi – bunga kulmaymiz. Lekin bu holat takabbur va boy jentelmen bilan sodir bo‘lsa, miriqib xoxolaymiz.
- Mening og‘rig‘im kimningdir kulgisiga sabab bo‘lishi mumkin, lekin mening kulgim kimningdir og‘rig‘iga sabab bo‘lmasligi kerak.
- Oyna — mening eng yaxshi do‘stim. Chunki yig‘lagan paytim u hech qachon kulmaydi.
- Fikrlash qobiliyati skripka yoki royal chalishga o‘xshaydi. U bilan har kuni shug‘ullanib turish kerak.
- Hayot repetitsiya qilinmaydigan pyesadir. Shu bois parda tushib, spektakl tugamagunicha hech qanday qarsakni kutmay kuylang, yig‘lang, raqsga tushing, kuling va qo‘lingizdan kelganicha yaxshi yashang.