Friedrich Schiller
| Friedrich Schiller | |
|---|---|
| |
 Vikipediyadagi maqola
| |
 Vikimanbadagi asarlar
| |
 Vikiombordagi fayllar
|
Friedrich Schiller (talaffuzi: Fridrix Shiller)(10-noyabr 1759-yil; 9-may 1805-yil) — nemis shoiri, dramaturg, tarixchi, sanʼat nazariyotchisi. Nemis mumtoz adabiyotining asoschilaridan.
Iqtiboslar
[tahrirlash]- Buyuk qalblar iztiroblarini sukut bilan oʻtkazadilar[1].
- Zulmni murosasiz yomon koʻradigan kishigina ezgulikni cheksiz sevishi mumkin[1].
- Ishni tezroq tugallash harakatida boʻl[1].
- Iroda inson bolasining oʻziga xos sifatidir, aql esa irodani boshqarish uchun oʻzgarmas qoidadir[1].
- Oʻz topqirligidan zavqlanib kulgan kishining askiyasi kuchini yoʻqotadi.
- Ishongan odam boshqalarni ham oson ishontiradi[1].
- Sheʼriy asar oʻzini oʻzi himoyalashi kerak. Harakat gapirmaydigan joyda soʻz foyda berishi dargumon[1].
- Ishni yarim yoʻlda tashlab, chetga chiqib oladigan va endi bu yogʻi nima boʻlar ekan, deb ogʻzini ochib qarab turadigan odam haqiqiy ahmoqdir[1].
- Rasmga mahliyo boʻlib, uni chizgan kishini butunlay unutib qoʻyganimiz, aslida, rassomga eng katta maqtovdir[1].
- Oʻzini boshqara oladigan odamgina erkindir[1].
- Har qanday gʻalabadan ustun narsa kechirimdir[1].
- Yaxshi aktyorlar uchun yomon rol yoʻq[1].
- Mardonalik instinktga qarshi kurash ifodasidir[1].
- Nomus hayotdan azizroq[1].
- Toʻgʻrilik har qanday unvonni bezaydi[1].
- Yoʻqotilgan daqiqani hatto abadiyat ham qaytara olmaydi[1].
- Odam maqsadlari kattargani sari ulgʻayib boradi[1].
- Minnatdorlik eng tez unutiladigan narsadir[1].
- Ota-onalar oʻzlarining nuqsonlarini bolalarida koʻrganlarida koʻproq jahllanadilar[1].
- Tabiatga qarshi boʻlgan narsa hech qachon yaxshilikka olib bormaydi[1].
- Yaramas ishlarning oxiri voy: ular yangi-yangi qabihliklarni keltirib chiqaradi[1].
- Faqat qatʼiyatgina maqsadga eltadi[1].
- Oʻzini koʻrsatishning eng jirkanch usuli — ojizlarni ezib uyaltirishdir[2].
- Hech narsaga jasorat qilmagan inson hech narsadan umid qilmasin[2].