Gustave Flaubert
(Gyustav Floberdan yoʻnaltirildi)
| Gustave Flaubert | |
|---|---|
 | |
| Umumiy maʼlumotlar | |
| Tavalludi |
12-dekabr 1821 Ruan |
| Vafoti |
8-may 1880 Croisset |
| Qardosh loyihalar | |
Gustave Flaubert (talaffuzi: Gyustav Flober; 1821. 12.12, Ruan 1880.8.5, Kruasse, Ruan yaqinida) — fransuz yozuvchisi.
Iqtiboslar
[tahrirlash]- Yozuvchining butun isteʼdodi oxir-oqibat soʻz tanlashi bilan oʻlchanadi[1].
- Dramatik sanʼat musiqaga oʻtgan geometriyadir[1].
- Ayollar erkaklarni buyuk ishlarga ilhomlantiradilar, biroq ularni amalga oshirgani vaqt qoldirmaydilar[1].
- Kitob — tirik jon. Begona qoʻl bilan qilingan har qanday jarrohlik amaliyoti, har qanday oʻzgarish uni mayibga aylantiradi. Balki u yaxshilanar, lekin baribir ilgarigi kitob boʻlmaydi![1]
- Agar reja juda uzoq vaqt va sinchiklab tuziladigan boʻlsa, u oxir-oqibat yoʻq boʻladi[1].
- Umidsizlanganingda hamisha umid qilishing, umidlanganingda esa shubhalanishing kerak[1].
- Vijdonni toza saqlash uchun uni boshqalarning vijdonidan baland tutish kerak[1].
- Agar isteʼdodingni qadrlasang, ommani maftun etadigan vositalar ketidan chopmaysan[1].
- Anglash ishtiyoqi — yorugʻ qalblar uchun buyuk quvonchlar manbaidir[1].
- Statistika — noaniq fanlarning eng anigʻidir[1].
- Xotirjam boʻlish — hazilakam gap emas, bu — deyarli baxtli boʻlish demakdir[1].
- Bahslashish tushunishdan koʻra osonroq[1].
- Omadsizlikka uchragan yeringda bir ahmoqning muvaffaqiyat qozonayotganini koʻrishdan koʻra ogʻirroq kamsitish yoʻq[1].
- Yolgʻizlikni xotiralar bilan toʻldirib boʻlmaydi, ular tanholikni chuqurlashtiradi, xolos[1].
- Yaxshi yozilgan asar hech qachon zeriktirmaydi. Uslub — hayotning oʻzi, u fikrlarning yugurik qonidir[1].
- Yozuvchi salohiyatining bosh belgisi — nimani yozmaslikni bilishidir[1].
- Muhabbat baxt berishi kerak. Baxt yoʻqmi, demak, adashibsan[1].
- Fikrning aniqligi ifodaning aniqligiga zamin yaratadi[1].
- Mavzu tanlanmaydi. Shoh asarning siri shunda: mavzu — yozuvchining mijozi ifodasidir[1].
- Nimaki goʻzal ekan — u axloqiydir[2].
Manbalar
[tahrirlash]Adabiyotlar
[tahrirlash]- Voronsov, Vladimir. Tafakkur gulshani, Sharifa Abdurazzoqova tarjimasi, Toshkent: Gʻafur Gʻulom nomidagi Adabiyot va sanʼat nashriyoti, 1989 — 464-bet. ISBN 5-635-00915-X.