Shams Tabrizi
Shams Tabrizi | |
![]() | |
![]() | |
![]() |
Shams Tabriziy yoki Shamsiddin Muhammad (1185–1248) — fors sofiʼiy shoir boʻlib, u Mavlono Jaloliddin Muhammad Balxiyning Rumiy ustozi, Rumiy nomi bilan ham tanilgan.
Iqtiboslar
[tahrirlash]- Olim eding, orif bo‘lding. Endi oshiq bo‘lishga majoling bormi?
- Hammasi qalbingga bog‘liq: qalbingni o‘zgartir, dunyoying ham o‘zgarsin.
- Ba’zan ortingga qarab qo‘y: shunda qaerdan kelganingni unutmaysan.
- Odamlar sharob ichib sarxush bo‘ladi. Ishq ahli esa ichmay turib mast bo‘ladi.
- Oshiqlarga uyqu haromdir.
- Ba’zan uzoqlashmoq kerak, yaqinlashmoq uchun. Ba’zan eslamoq kerak, eslanmoq uchun. Ba’zan yig‘lamoq kerak, ochilmoq uchun. Ba’zan sukut yaxshidir, tinglamoq uchun.
- Sevishni qalb buyurdimi yoki yolg‘izlik? Rosti, sevgi deganlari nima o‘zi? Bir shamni tutatmoqmi yoxud yonayotgan otashga teginmoqmi?
- Bu hayotda har kim bo‘lishing mumkin, ammo eng muhimi INSON bo‘lmog‘ingdir.
- So‘zlar haqiqat emas, bor yo‘g‘i og‘izdan chiqqan tovushlardir. Haqiqatni anglamoq uchun yashamoqqa ehtiyoj bor.
- Go‘zal gulni, osuda kechani, durust do‘stni hamma xohlaydi. Muhimi, gulni tikani bilan, kechani asrori bilan, do‘stni dardi bilan qabul qila olmoqlikdir.
- Qalb eshigimizni qoqqanlarga qalbimizni ochdik…
- Oldin ishqni anglaylik…
- Ko‘lmak yelvizakda ham chayqalaveradi. Ummonlarning to‘lqini muhabbatning mahobatidandir. Angladimki, teran va asrorangiz bo‘lgan narsalar sokin bo‘ladi. Angladimki, sokin bo‘lgan nasalar teran va haybatli bo‘ladi.
- Sevmaganga chumoli ham yuk, sevganga fillar ham chumolidek gap. Agar inson oshiq bo‘lsa va ishonsa tog‘ni ham yelkasida tashiy oladi.
- Huzun ishqni aynishdan asraydi.
- Yaramdan ham mamnunman, yorimdan ham.
- Yetarki, sen bo‘l! Xoh yor bo‘l, xoh yara. Lutfing ham boshim ustida, qahring ham…
- Ilm uch narsadan iboratdir: zokir til, shokir qalb va sobir badan.
- Senda undan ham bor, bundan ham bor. Falon bormi dedilar, bor. Fismadon bormi dedilar, bor. Yaxshi, SENda SENdan nima bor, Mavlono?!
- Har narsaning me’yori yaxshi. Odobning esa ortig‘i.
- Do‘st degani gulday bo‘lmog‘i kerak: ham yaprog‘i, ham tikani bilan.
- Qalbingni kin va hasad ila kirlatma. Chunki ularni yuvib ketkazolmaysan.