Baxt

Baxt
Qardosh loyihalar
Vikipediyadagi maqola Vikimaʼlumotlar sahifasi Vikilugʻatdagi maʼnolari Vikiombordagi tasvirlar Wikinewsdagi yangiliklar

Baxt — maʼnaviy-axloqiy tushuncha. Kishi oʻz faoliyati natijalaridan, hayotda qoʻlga kiritgan yutuqlaridan toʻla qoniqish, yashash tarzidan mamnunlik, muayyan maqsadga yetganlik, orzu-umidning ushalishi, bearmonlik holati sifatida namoyon boʻladi.

Alifbo tartibi boʻyicha:
A · B · D · E · F · G · H · I · J · K · L · M · N · O · P · Q · R · S · T · U · V · X · Y · Z · Oʻ · Gʻ · Sh · Ch · ng · Yana qarang · Havolalar

A

…agar adashgan birodarimizni yaxshilik yoʻliga daʼvat etsak, baxt qasriga faqat shu yoʻl orqali borilajagini anglata olsak, demak baxtga erishuviga hissa qoʻshibmiz. Hidoyatdan nari yoʻllarda tentirayotgan birodarimizga befarq qarabmizmi, demak, uning baxtsizligiga sherik boʻlibmiz.

— Tohir Malik, „Kuyov toʻra, sizga aytar soʻzim bor“, Toʻrtinchi gurung: Baxtiyorlik ayyomi

Agar baxt-saodat istasang, gʻurur, manmanlikdan yiroq boʻl, hikmatli soʻzlarni sokinlik bilan tingla, takabburlik, adovat, ginachilikdan hazar qil. Qaygʻu-alamlar ustingga hujum etsalar, bu hujumlarga oʻz adabsizliging sababchidir.

— Jaloliddin Rumiy

Aql baxtga yetish vositasi.

— Otalar soʻzi

B

Baxt havoda esmaydi, mehnatdan keladi.

— Abu Abdulloh Rudakiy

Baxt hiyla bilan topilmaydi, baxtiyor boʻlmoqni istaysan-u, kecha-kunduz yotasan, gʻavvoslardan ibrat ol, maqsadga yetish va marvarid topish uchun oʻzlarini dengiz tagiga otadilar.

— Otalar soʻzi

Baxtimiz mukammal boʻlishi uchun atrofimidagi odamlarning xayrixohligi va yordamiga muhtojmiz, atrofimizdagi odamlar esa biz ularning baxti yoʻlida ter toʻkishga qay darajada tayyor tursak, ular ham shu darajada bizni sevish va hurmat qilish, rejalarimizda yordamlashish, bizning baxtimiz yoʻlida ter toʻkishga rozi boʻladilar, bu zaruriy aloqani maʼnaviy burch, maʼnaviy vazifa deb ataydilar.

— Pol Anri Golbax

Barcha baxtli oilalar bir-biriga oʻxshash, har bir baxtsiz oila esa oʻzicha baxtsizdir.

— Lev Tolstoy, „Anna Karenina“ asaridan

I

Inson har doim quvnoq, xushchaqchaq boʻlishi va baxtiyor yashamogʻi lozim.

— Farobiy

Inson yuksak kamolotga erishuv yoʻlida harakat qilganidek, aqliy bilishga ham harakat qilsa, hech shubhasiz oʻzi intilayotgan soʻnggi darajadagi baxt-saodatga erishadi.

— Farobiy

O

Odam bolasi oʻzgalar baxti uchun xizmat qilsagina oʻz baxtini topa oladi. Birovning shodligi va baxti uchun qanchalik xizmat qilsa, oʻzi ham shunchalik baxtga daʼvogar boʻlishi mumkin. Eng baxtiyor kishi kim? Iloji boricha koʻproq odamlarning baxtli boʻlishlari uchun xizmat qilgan odam emasmi?

— Tohir Malik, „Kuyov toʻra, sizga aytar soʻzim bor“, Toʻrtinchi gurung: Baxtiyorlik ayyomi

Odamning baxti orzu va taʼmalariga qarab boʻladi. Eng taʼmagir odam — baxti eng oz odamdir.

— Tohir Malik, „Kuyov toʻra, sizga aytar soʻzim bor“, Toʻrtinchi gurung: Baxtiyorlik ayyomi

Adabiyotlar

• Xomidiy, Hamidjon; Hasaniy, Mahmud. Mashriqzamin hikmat boʻstoni ( PDF), Toshkent: „Sharq“ nashriyotmatbaa konserni, 1997 — 251-bet. ISBN 978-9943-00-130-5. 
• Tursun, Ahmad. Sharq donishmandlari hikmatlari. Toshkent: „Sharq“ nashriyot-matbaa aksiyadorlik kompaniyasi, 2006 — 208-bet. 
• Malik, Tohir. Kuyov toʻra, sizga aytar soʻzim bor. Toshkent: „DAVR PRESS“ nashriyoti, 2019 — 685-bet. ISBN 978-9943-5555-2-5. 
• Voronsov, Vladimir. Tafakkur gulshani ( PDF), Sharifa Abdurazzoqova tarjimasi, Toshkent: Gʻafur Gʻulom nomidagi Adabiyot va sanʼat nashriyoti, 1989 — 464-bet. ISBN 5-635-00915-X.