George Bernard Shaw

George Bernard Shaw
	;
Umumiy maʼlumotlar
Tavalludi	26-iyul 1856; Dublin
Vafoti	2-noyabr 1950; Ayot St Lawrence
Qardosh loyihalar
	Vikipediyadagi maqola Vikimaʼlumotlar sahifasi Vikiombordagi tasvirlar

George Bernard Shaw (talaffuzi: Jorj Bernard Shou; 1856-yil 26-iyul — 1950-yil 2-noyabr) — irlandiyalik taniqli dramaturg, yozuvchi, adabiyot boʻyicha Nobel mukofoti sovrdindori (1925-yil), London iqtisodiyot va siyosatshunoslik instituti asoschilaridan biri.

A

Agar Siz biror odamni oʻqitib, biror narsaga oʻrgatmoqchi boʻlsangiz, yanglishasiz — u hech narsani oʻrganmaydi.

— Back to Methuselah pyessasi, Is there any hope in education? sahnasi (1921-yil)

Agar kishi murakkab ish bilan shugʻullansa va uni yaxshi bajarsa, hech qachon oʻziga boʻlgan hurmatni yoʻqotmaydi.

Ayolning ham, erkakning ham tarbiyasi ular tortishayotganda yaqqol koʻrinadi^[1].

B

Barcha buyuk haqiqatlar kufr oʻlaroq boshlanadi.

— Annajanska pyessasi (1919-yil)

Baxtni ishlab chiqarmay turib isteʼmol qilishga haqqimiz yoʻq.

— Candida pyessasi, 1-akt (1898-yil)

Bolalarni toʻgʻri tarbiyalash uchun ota-onalar farzandlariga aslidagiday koʻrinishi kerak.

— Maxims for Revolutionists pyessasi, 33-bob (1903-yil)

E

Erkak yoki ayolning tarbiyalanganlik darajasi janjal paytida yaqqol namoyon boʻladi.

— The Philanderer pyessasi, 4-akt (1893-yil)

F

Faqat bitta din bor, uning yuzlab versiyalari boʻlgani bilan.

— Plays Pleasant and Unpleasant pyessasi, 2-boʻlim, muqaddima (1898-yil)

I

Iqtisodiyot hayotning barcha imkoniyatlaridan foydalanish sanʼatidir^[2].

Istagim bor ekanki, yashashimga sabab bor. Qoniqish oʻlimdir.

— Overruled pyessasi (1912-yil)

M

Mangu yashashga urinmang, baribir bu qoʻlingizdan kelmaydi.

— The Doctorʼs Dilemma pyessasi (1906-yil).

Mening mutaxassisligim boshqalar nohaq boʻlganda haq boʻlishdir.

— You Never Can Tell pyessasi, 4-akt (1897-yil)

Meni hazil qilish uslubim haqiqatni gapirishdan iborat. Bu olamdagi eng qiziq hazildir.

— John Bull's Other Island komedik pyessasi, 2-akt (1907-yil)

Muhammad sollallohu alayhi vasallam! Men bu zotning hayotini oʻrganish davomida aql bovar qilmaydigan narsalarni koʻrdim. U nasroniylarga dushman boʻlmagan ekan. Men bu zotni “Butun insoniyatning xaloskori” deb atash kerak ekan, degan qarorga keldim^[3].

Muqaddas Kitobda „maʼnaviyat“ soʻzini uchratsak, unda „telefon“ yoki „avtomobil“ soʻzlarini uchratganimizdek hayratda qolardik.

— Fannyʼs First Play, muqaddima (1911-yil)

N

Nafratlanishni bildirishning eng yaxshi yoʻli sukut qilishdir.

— Back to Methuselah pyessasi, 5-sahna: As Far as Thought Can Reach

O

Obroʻ-eʼtibor ayolni hayotiy kuchdan mahrum qildi^[1].

Odam mamlakat va insoniyat uchun qilishi mumkin boʻlgan eng katta xizmat — bolalarini tarbiyalashidir.

— The Intelligent Woman's Guide to Socialism and Capitalism kitobi, 8-bob (1928-yil)

Odamzotdan vatanparvarlikni olib tashlamas ekansiz, hech qachon tinch dunyoga erisha olmaysiz.

— OʻFlaherty V. C. pyessasi (1919-yil)

P

Pyesa sifati undagi gʻoyalar sifatidir.

— The Play of Ideas pyessasi, Yangi bayonot (1950-yil 6-may)

Q

Qotillik senzuraning ekstremal shaklidir.

— The Shewing Up of Blanco Posnet pyessasi (1909-yil): Rad etilish bayonoti, 1-sahna: Tolerantlikning chegaralari

S

Siz narsalarni koʻrasiz; va soʻraysiz: Nega shunday? Lekin men narsalar hech qachon boʻlmaganini va yoʻq boʻlishini xayol qilaman; va soʻrayman: Nega shunday emas?

Sogʻlom odam umurtqasi borligini bilmaganidek, sogʻlom millat ham millatchilikni bilmaydi.

— John Bull's Other Island komedik pyessasi, muqaddima (1907-yil)

T

Tasavvur ijodning boshlanishidir. Istaganingizni tasavvur qilasiz; tasavvur qilganingizni istaysiz; va nihoyat, istaganingizni yaratasiz.

— The Serpent pyessasi, 1-sahna, 1-akt

X

Xatolarga toʻla hayot, garchi hurmatga sazovor boʻlmasa ham, hech bir urinishsiz va xatolarsiz yashalgan umrdan afzalroq.

— The Doctorʼs Dilemma pyessasi, muqaddima (1906-yil).

Manbalar

↑ ^1,0 ^1,1 Sema Marashli. Turmush oʻrtoʻgimning tengi yoʻq: hikoyalar. Toshkent: „Yangi asr avlodi“ nashriyoti, 2021 — 176-bet. ISBN 978-9943-20-809-4.
↑ Charlz Uilan. Yalangʻoch iqtisodiyot: murakkab sohaning sodda qiyofasi. Toshkent: „Asaxiy Books“ loyihasi, „Nihol“ nashriyoti, 2023 — 540-bet. ISBN 978-9943-23-222-8.
↑ Anvar Ahmad. Saodatga yetaklovchi hikmatlar, (birinchi kitob), Toshkent: “Sano-standart” nashriyoti, 2018 — 320-bet.

[ReferenceA-1] 1,0 ^1,1 Sema Marashli. Turmush oʻrtoʻgimning tengi yoʻq: hikoyalar. Toshkent: „Yangi asr avlodi“ nashriyoti, 2021 — 176-bet. ISBN 978-9943-20-809-4.

[2] Charlz Uilan. Yalangʻoch iqtisodiyot: murakkab sohaning sodda qiyofasi. Toshkent: „Asaxiy Books“ loyihasi, „Nihol“ nashriyoti, 2023 — 540-bet. ISBN 978-9943-23-222-8.

[3] Anvar Ahmad. Saodatga yetaklovchi hikmatlar, (birinchi kitob), Toshkent: “Sano-standart” nashriyoti, 2018 — 320-bet.

[1]

[2]

[3]