Abu Bakr Siddiq
| Abu Bakr Siddiq | |
|---|---|
 | |
| Umumiy maʼlumotlar | |
| Tavalludi |
27-oktyabr 573 Makka |
| Vafoti |
23-avgust 634 Madina |
| Qardosh loyihalar | |
Abu Bakr Siddiq (toʻliq ismi: Abu Bakr Siddiq Abdulloh ibn Abu Qahhofa ibn Omir; tax. 573-yil – 634-yil 23-avgust) – islomni birinchilardan boʻlib qabul qilgan sahoba, dastlabki toʻrt xalifadan birinchisi (632–634). Tirikligida jannat bashorati berilgan sahobalarning birinchisi boʻlib, u Muhammad paygʻambarning eng yaqin safdoshi, qaynotasi. Yirik savdogar. Makkaning quraysh qabilasidan.
Iqtiboslar
[tahrirlash]- Allohdan oʻzganing yuzi uchun aytilgan soʻzda yaxshilik yoʻq[1].
- Alloh yoʻlida sarflanmaydigann molda yaxshilik yoʻq[2].
- Bir joyda axloqsizlik yoyilsa, Alloh (yaxshi-yomonni ayirmay) barchaga birday balo yuboradi[3][4].
- Dunyo ila oxirat ikki oilasi bor kishiga oʻxshar. Inson birini rozi qilarkan, ikkinchisini ranjitadi[3][5].
- Dunyo – moʻminlarning bozori, kecha va kunduz – sarmoyalari, goʻzal amallar – tijorat mollari, jannat – foydalari, jahannam esa zararlaridir[3][6].
- Ey insonlar! Siz qay zamon tugashi sizga nomaʼlum bir umr ichida kun va tunlaringizni oʻtkazmoqdasiz. Agar qoʻlingizdan kelsa, bu hayotingizni solih amallar bilan oʻtkazing. Buni ham faqat Alloh taoloning yordami bilan amalga oshira olasiz. Ajalingiz sizdan ishlash fursatini olib qoʻymasdan turib, imkoniyatlaringizni ishga soling, xayrli amallarga shoshiling. Zero, ajallarini unutgan, amallarini boshqalarga tashlagan kimsalar ham bordir. Zinhor ular kabi boʻlmang. Tezroq boʻling, gʻaflatda qolmang... Yashayotgan kishilarga emas, oʻlganidan soʻng ular ortda qoldirayotgan goʻzal narsalarga havas qiling![3][7]
- Hech bir musulmon oʻzidan boshqa musulmonni haqir va kichik deb bilmasin, chunki kichik koʻringan musulmon Allohning nazarida kattadir[3][8].
- Kim bir gunohdan tavba qilsa-yu, so‘ngra o‘sha gunohni tark etmasa, Alloh taolo uni tavba qilishdan, qalbini ilohiy dargohga yuzlanishdan mahrum etib qoʻyadi[9].
- Mol ziqnalarning, qurol qoʻrqoqlarning, rahbarlik zaiflarning qoʻliga tushsa, ishlar buziladi[3][10].
- Musulmonlardan hech bir kishini kichik bilib tahqirlamanglar. Chunki musulmonlarning kichigi Alloh taolo huzurida kattadir[11].
- Qarindoshlar oʻrtasidagi adovat oʻrmon yongʻiniga oʻxshaydi[13].
- Toʻgʻri harakat qilsam, menga ergashing. Toʻgʻri yoʻldan chiqsam, meni toʻgʻri yoʻlga solib qoʻying[3][14].
- Yaxshilik qilish bilan shaytondan peshqadam boʻlinglar, shunda u ojiz qoladi. Shaytonga koʻz tikmanglar, aks holda u izingizdan yetib olib, sizlarni fitnaga soladi[11].
Manbalar
[tahrirlash]- ↑ Tursun 2006, s. 150.
- ↑ Tursun 2006, s. 139.
- ↑ 3,0 3,1 3,2 3,3 3,4 3,5 3,6 3,7 Ahmad Muhammad. Sharq haqni topdi..., (Sharq donishmandlari va allomalarining sara hikmatlari), Toshkent: „Sharq“ nashriyoti, 2006 — 124-bet.
- ↑ Tursun 2006, s. 127.
- ↑ Tursun 2006, s. 82.
- ↑ Tursun 2006, s. 79.
- ↑ Tursun 2006, ss. 80–81.
- ↑ Tursun 2006, s. 154.
- ↑ Tursun 2006, ss. 37–38.
- ↑ Tursun 2006, s. 105.
- ↑ 11,0 11,1 Tursun 2006, s. 140.
- ↑ Tursun 2006, s. 51.
- ↑ Tursun 2006, s. 182.
- ↑ Tursun 2006, s. 36.
Adabiyotlar
[tahrirlash]- Tursun, Ahmad. Sharq donishmandlari hikmatlari. Toshkent: „Sharq“ nashriyot-matbaa aksiyadorlik kompaniyasi, 2006 — 208-bet.
