Iffat

Iffat
	;
Qardosh loyihalar
	Vikipediyadagi maqola Vikimaʼlumotlar sahifasi Vikilugʻatdagi maʼnolari Vikiombordagi tasvirlar

Iffat (arabcha: ‎‎ — bokiralik, pokizalik; yaxshi xislat; tiyilish;) — vijdoniy poklik; nomus, hayo.

H

	Hayo pardasi ila oʻralmish insonlarning iffat pardasi yirtilmas^[1].
	— Abdulla Avloniy

I

	Iffat hech narsaga ehtiyoj qoldirmaydi^[2].
	— Ali ibn Abu Tolib

	Iffatni naqadar buyuk fazilat ekanligini bilish uchun uning tarkibiga kiradigan va ajralmas qismi boʻlgan xislatlar bilan tanishish lozim. Hakimlarning yozishlaricha, poklik, qanoat, shoshilmaslik, ochiq yuzlilik, ixlos, tartib, saxovat.
	— Olimat ul-Banot^[3]

	Inson tabiatiga xos shunday fazilatlar borki, birini ikkinchisidan ayirgan holda tarbiya etib boʻlmaydi. Iffat va hayo, sadoqat va vafo shular jumlasidandir. [„Kuyov toʻra, sizga aytar soʻzim bor“ asaridan. Oʻninchi gurung: Vafo guli. 280-bet.]
	— Tohir Malik

O

Opa-singillar! Sizlar uchun eng zoʻr boylik va eng ulugʻ martaba, eng ulkan fazilat iffatli boʻlishdir. Iffatli ayol garchi kambagʻal boʻlsa-da, biroq maʼnaviy jihatdan badavlat hisoblanadi. Iffatsiz ayollar qanchalik badavlat boʻlishmasin el nazarida faqir va behurmat hisoblanadilar. Boʻyniga taqilgan marjon, bosh va koʻkrakka taqilgan gavhar, sandiq toʻla pullar bilan ham iffatni sotib boʻlmaydi. Iffat shunday zoʻr boylikdirki, uning aslo bahosi yoʻq^[3].

— Olimat ul-Banot

	Ochkoʻzlikdan hamda yaxshi ovqat, ichkilik, xotin-xalajga berilishdan oʻzini tutish iffat sanaladi^[1].
	— Ali ibn Abu Tolib

X

	Xotinlarga xos boʻlgan eng goʻzal va qadrli bezak iffatdir. Iffati yoʻq ayol nursiz, yalangʻoch bir gavdadan oʻzga narsa emas. Iffatni saqlashga urinmagan ayollar hech qachon muhabbat va iltifotga sazovor boʻla olmaydilar.
	— Olimat ul-Banot^[3]

Manbalar

↑ ^1,0 ^1,1 Tursun 2006, s. 162.
↑ Tursun 2006, s. 160.
↑ ^3,0 ^3,1 ^3,2 Xomidiy & Hasaniy 1997, s. 182.

Adabiyotlar

Xomidiy, Hamidjon; Hasaniy, Mahmud. Mashriqzamin hikmat boʻstoni. Toshkent: „Sharq“ nashriyotmatbaa konserni, 1997 — 251-bet. ISBN 978-9943-00-130-5.
Tursun, Ahmad. Sharq donishmandlari hikmatlari. Toshkent: „Sharq“ nashriyot-matbaa aksiyadorlik kompaniyasi, 2006 — 208-bet.

[FOOTNOTETursun2006162-1] 1,0 ^1,1 Tursun 2006, s. 162.

[FOOTNOTETursun2006160-2] Tursun 2006, s. 160.

[FOOTNOTEXomidiyHasaniy1997182-3] 3,0 ^3,1 ^3,2 Xomidiy & Hasaniy 1997, s. 182.

[1]

[2]

[3]