Qalb iffati

Qalb iffati — Nuriya Cheleenning oʻzbek tilida 2022-yilda nashr etilgan kitobi. Turk tilidan Oʻtkirbek Muhammadsobir tarjima qilgan^[1].

Iqtiboslar[tahrirlash]

Sukut soʻzga chiqmagan tuygʻularning qalb tovushidir.
Buyuklarni Alloh tarbiya qiladi: na ona, na ota.
Hodisalarni qismatga, qismatni vaqt daryosiga otish kerak.
Ayriliq muhabbatni oshirar ekan-a!
Uyqudan uzoq, uyquning qoʻlidan yulingan onlar boʻlmay turib qullikda yoʻl boshlanmaydi. Maʼnaviy kamolot kechaning qoʻllariga berilgan.
Jon hamisha Robbiga qochishni xohlaydi, uni tashqi olam bilan kishanlab nafs qafasiga solsang, siqiladi.
Alloh ayollarga erkaklarni oʻzlariga asir qilish uchun itoat bergan.
Iztiroblar baxtiyorlikning vaznicha boʻladi.
Qalb goʻzal boʻlsa, gumon ham chiroyli boʻladi.
Bandaning taqdir oldida rejasi boʻlmasligi kerak.
Ayriliqda kishi darhol xotiralarga chopardi.
Shubha tushsa, himoya ketadi. Vasvasa kelsa, aqlning muhokamasi bitadi.
Tananing chirogʻi koʻzdir. Koʻz oydin boʻlsa, butun tana munavvar boʻladi. Koʻz yomon boʻlsa, butun badan yomon boʻladi.
Hayol — hijronni visol bilan uchrashtiruvchi tuygʻu.