Shofiʼiy

Abu Abdulloh Muhammad ibn Idris ibn Abbos ash-Shofiʼiy (767-yil; 820-yil) — imom, shofiʼiylik mazhabining asoschisi, faqih.

A B D E F G H I J K L M N O P Q R S T U V X Y Z Oʻ Gʻ Sh Ch Ng

Iqtiboslar

Bir oʻzimga nasihat qilsang, haqiqatan ham nasihat qilgan sanalasan. Lekin koʻpchilikning oldida nasihat qilsang, meni sharmanda qilgan boʻlasan^[1].

Ilmdan nasibador kishilar ozgina olgan ilmiga xursand bo‘lib, birgina narsani unutganida xafa bo‘lishi ilmning sharafiga yetarli dalildir^[2].
Ilm o‘rganish nafl ibodatidan afzalroq^[2].

Kim dunyo muhabbati bilan Xoliqning sevgisini bir qalbda jamladim desa, yolg‘on so‘zlabdi^[1].
Kim Qur’onni yod olsa, qadri baland bo‘ladi. Kim uning ma’nolarini anglasa, darajasi ko‘tariladi. Kim hadisni yodlasa, darajasi ko‘tariladi. Kim arabiyni va she’rni o‘rgansa, tabiati teranlashadi. Kim nafsini saqlamasa, unga ilm foyda bermaydi^[2].
Kishi agar bir ilmni o‘rganib, so‘ng boshqa ilmlarga yuzlansa-da, ulardan nimani bilmasligini tushunsa, ana o‘shanda olim bo‘ladi^[2].

Qilich va nayza bilan hosil bo‘lmagan ko‘p ishlar yumshoqlik, muloyimlik bilan hosil bo‘ladi. Gʻazab keltirgan zarar g‘azablangan kishining o‘ziga qaytar^[1].
Qurʼonni oʻrgangan kishining qadr-qimmati ortib boraveradi^[1].

Sukut saqlagan holda gaplashmoqqa, tafakkur bilan masala hal qilmoqqa yordam talab qilingiz^[1].

Yomon suhbatdosh bilan gaplashib oʻtirgandan koʻra yolgʻiz qolib, jimgina oʻtirgan yaxshi^[1].

O’n olti yildan beri to‘yib ovqatlanmadim. Zero, ko‘p yeyish badanni og‘irlashtiradi, qalbni qoraytiradi, zakovatni ketkazadi, uyquni jalb etadi va kishini ibodatga zaif qiladi^[2].
Oʻzini gunoh va badxulqlikdan saqlay olmagan kishiga ilm foyda bermaydi^[2].

↑ ^1,0 ^1,1 ^1,2 ^1,3 ^1,4 ^1,5 Anvar Ahmad. Saodatga yetaklovchi hikmatlar, (birinchi kitob), Toshkent: “Sano-standart” nashriyoti, 2018 — 320-bet.
↑ ^2,0 ^2,1 ^2,2 ^2,3 ^2,4 ^2,5 ^2,6 Ahmad Muhammad. Sharq haqni topdi..., (Sharq donishmandlari va allomalarining sara hikmatlari), Toshkent: „Sharq“ nashriyoti, 2006 — 124-bet.