Muoz ibn Jabal
| Muaz ibn Jabal | |
|---|---|
 | |
| Umumiy maʼlumotlar | |
| Tavalludi |
600 Madina |
| Vafoti |
638 Suriya |
| Qardosh loyihalar | |
Muoz ibn Jabal (arabcha: معاذ بن جبل; 603-yil, Yasrib – 639-yil, Ash-Shuna ash-Shamaliya, Iordaniya) – Muhammad paygʻambarning sahobasi, faqih, qori va muhaddis. Jushama ibn al-Xazraj qabilasining Banu Adda ansorlaridan biri.
Iqtiboslar
[tahrirlash]- Alloh ilm bilan qavmlarni yuksaltirib, yetakchi qilib qoʻyadi. Ular odamlarni yaxshilikka yetaklaydi, boshqalar ularning izidan yuradi, qilgan ishlari eʼtiborli boʻladi. Har bir quruq va hoʻl narsalar, hattoki dengizdagi baliqlar-u hasharotlar, barcha hayvonlar, osmon va undagi yulduzlar ularning haqqiga istigʻfor aytadi[1][2].
- Dunyodagi ulushing seni albatta qidirib topadi. Sen undan koʻra oxiratdagi ulushingga muhtojroqsan. Binobarin, sen oxiratdagi ulushingni tanla![1][3]
- Ilm tanholikda hamroh, xilvatda doʻst, toʻgʻri yoʻl koʻrsatuvchi dalil, xursandlig-u xafalik paytda koʻmakchi, doʻstlar oldida vazir, begonalar oldida yaqin doʻst va jannat yoʻlining minorasidir[1][4].
- Ilm oʻrganinglar, zero uni oʻrganish – Allohdan qoʻrqish, uni talab qilish – ibodat, muzokarasi – tasbeh, uni izlash – jihod, bilmaganga oʻrgatish – sadaqa, uni oʻz ahliga bildirish – Allohga qurbatdir[1][4].
- Jannat ahli dunyoda Allohni zikr qilmay oʻtkazgan bir soatiga shu qadar achinadilarki, boshqa biron narsaga shunchalik afsuslanishlarini tasavvur qilib ham boʻlmaydi[1][5].
- Namozingni hayot bilan vidolashayotgan kishi kabi oʻqi! Yana bir bor oʻqiy olishingni oʻylama. Shuni bilginki, moʻmin kishi biri bajarilgan va biri ortda qolgan ikki yaxshilik oʻrtasida oʻladi[1][6].
- Odam farzandi uchun Alloh zikridan boshqa Uning azobidan najot beruvchi amal yoʻq[1][7].
- Ochlik va qiyinchilik fitnasi bilan imtihon qilindingiz, sabr etdingiz. Moʻl-koʻlchilik fitnasi bilan ham sinalasizlar. Men sizlarning ayollar fitnasiga uchrashingizdan koʻproq xavotirdaman[1].
- Rizqing uchun harakat qil, ammo rizq topaman, deb toʻgʻrilikdan ayrilma va musulmon holda oʻlishga intil. Mazlumning badduosidan saqlan[1].
Manbalar
[tahrirlash]- ↑ 1,0 1,1 1,2 1,3 1,4 1,5 1,6 1,7 1,8 Ahmad Muhammad. Sharq haqni topdi..., (Sharq donishmandlari va allomalarining sara hikmatlari), Toshkent: „Sharq“ nashriyoti, 2006 — 124-bet.
- ↑ Tursun 2006, s. 13.
- ↑ Tursun 2006, s. 81.
- ↑ 4,0 4,1 Tursun 2006, s. 17.
- ↑ Tursun 2006, s. 52.
- ↑ Tursun 2006, ss. 36–37.
- ↑ Tursun 2006, s. 45.
Adabiyotlar
[tahrirlash]- Tursun, Ahmad. Sharq donishmandlari hikmatlari. Toshkent: „Sharq“ nashriyot-matbaa aksiyadorlik kompaniyasi, 2006 — 208-bet.