Kitob

Kitob

Vikipediya maqolasi

Vikilugʻatdagi maʼnolari

Wikimedia Commonsdagi media fayllari

Wikinewsdagi yangiliklar

Kitob — axborotlarni, gʻoya, obraz va bilimlarni saqlash hamda tarqatish, ijtimoiy-siyosiy, ilmiy, estetik karashlarni shakllantirish vositasi; bilimlar targʻiboti va tarbiya quroli; badiiy, ilmiy asar, ijtimoiy adabiyot.

A  B  D  E  F  G  H  I  J  K  L  M  N  O  P  Q  R  S  T  U  V  X  Y  Z  Oʻ  Gʻ  Sh  Ch  Ng

B

	Bitta kitob yozish uchun kutubxonaning yarimini oʻqish kerak.
	— Samuel Johnson

	Bugungi haqiqiy universitet kutubxonadir.
	— T. Carlyle

D

	Darsliklar ilmiy taraqqiyotning gʻanimidir va tobora dushmanga aylanmoqda.
	— Yalçın Küçük

E

Ey aziz! Kishi uchun kitobdan azizroq va yoqimliroq suhbatdosh yoʻqdir. Kitob fasohat, balogʻatda, latofatda tengi yoʻq, munofiqlikdan xoli hamrohdir. Yolgʻizlikda va gʻamli ayyomlarda munis ulfatdir. Unda na nifoq boru, na gina. U shunday hamdamki, soʻzlarida yolgʻon va xato boʻlmaydi. Suhbatidan esa kishiga malollik yetmaydi. U oʻz doʻstining dilini ogʻritmaydi. Yuragini esa siqmaydi. U shunday rafiqdirki, kishi orqasidan gʻiybat qilib yurmaydi. Uning suhbatidan senga shunday fayzli foydalar yetadiki, bunday foydani odamlardan topa olmaysan. Aksincha, aksar odamlar suhbatidan kishiga zarar yetadi. Kitobdek doʻst ichida barcha ilm-u hilm mujassamdirki, u kishilarni oʻtmishdan va kelajakdan ogoh qilib turadi. Shuning uchun ham: „Kitob aql qal’asidir“, deganlar.

— Muhammad Jabalrudiy

I

	Insonning qiymati u oʻqigan kitoblar bilan oʻlchanadi.
	— Herbert Spencer

K

	Kimki kitobga ko‘p boqsa, kitob uning zehnini ochadi, zavqini oshiradi, soʻzga chechan qiladi.
	— Otalar soʻzi

	Kitob aqlning dorisidir.
	— Ovidius

	Kitob bizning ichimizdagi muzlagan dengizga otilgan bolta.
	— Franz Kafka

	Kitob insondan hech narsa tilamaydi, ammo uni kamolga yetkizadi.
	— Otalar soʻzi

	Kitoblar — bu qalbning oziqidir.
	— Yapon maqollari

	Kitob odob-axloqning koni, bilimning esa bulogʻidir.
	— Otalar soʻzi

	Kitob yolgʻizlikdagi eng munis hamdamdir.
	— Otalar soʻzi

Kitob oʻqishning taʼmini biladiganlar, oʻqish dengiz suvini ichish bilan oʻxshashligini bilishadi. Ichganingizda jim boʻlasiz, qancha ichsangiz ham suvsaysiz va yana ichasiz.

	Kitob o‘tmishdan ham, kelajakdan ham xabar beruvchidir.
	— Otalar soʻzi

	Kutubxonalar ongni davolash joyidir.
	— D. Scilus

	Kutubxona ruxning dorisidir.
	— Yapon maqollari

Y

	Yangi kitobni birinchi marta oʻqishdan koʻra oʻqigan kitobni qayta oʻqish foydalidir.
	— Lord Dudley

	Yaxshi kitoblar eng haqiqiy doʻstlarimizdir.
	— Francis Bacon

	Yovvoyi xalqlardan tashqari har bir mamlakatni kitoblar boshqaradi.
	— Voltaire

Adabiyotlar

• Hamidjon Xomidiy; Mahmud Hasaniy. Mashriqzamin hikmat boʻstoni. Toshkent: „Sharq“ nashriyotmatbaa konserni, 1997 — 251-bet. ISBN 978-9943-00-130-5.