Mu’iniddin Juvayniy

Mu’iniddin Juvayniy

Vikipediyadagi maqola

Mu’iniddin Juvayniy (? – 1381) – fors-tojik olimi, soʻfi, shoir va adib, „Nigoriston“ va „Ahsanu-l-Qassas“ asarlari muallifi. Uning „Nigoriston“ asarini Ulugʻbek sevib mutola qilgan.

A  B  D  E  F  G  H  I  J  K  L  M  N  O  P  Q  R  S  T  U  V  X  Y  Z  Oʻ  Gʻ  Sh  Ch  Ng

Iqtiboslar

D

• Dil boyligi va ruh ozigʻi uch narsadadir: birinchi ilmda, ikkinchi rizoda, uchinchi qanoatda.
• Doimo parhezkor boʻlmoq va hamisha kishilar bilan maslahatlashmoq kerak.

E

• Erkak uchun eng yaxshi libos — shirinso‘zlik, xotin uchun eng a’lo kiyim — ochiq yuzlik.

H

• Har kim gunohkor kishini kechira olsa, bu ulug‘lik va oliyhimmatlik nishonidir.
• Hech kimga ozor bera ko‘rma — dunyo barchaga barobardir.

I

• Iste’dodli odamga — dag‘allik, qobiliyatsizga — mansab yarashmaydi.

J

• Jahonda bor narsa — aqlga, aql esa tajribaga muhtojdir.

K

• Kimki o‘zini sultonga yaqin tutishga intilsa, mol-dunyosi talon-taroj xavfi ostida qoladi. Kimki undan o‘zini tortsa, shamshirining tig‘iga mubtalo bo‘ladi.

M

• Mansabdor mol toʻplaydi, oqil esa — fazilat.

O

• Oltin-u kumush jamg‘arishga mayl qo‘yish nafsning nuqsonidir.
• Oqilning qo‘rs odam bilan suhbatda bo‘lishi johilning aysh-ishratga mukkasidan ketishiga o‘xshaydi.

Q

• Qobiliyat egasining boshini silamaslik – zolimlik, isteʼdodi yoʻqni tarbiyalash – johillik.
• Qanoat mevasi — rohat, kamtarlik mevasi — muhabbat.

S

• Sultonning xizmatida bo‘lsang ham suhbatidan o‘zingni tiy.

Y

• Yomondan nari yurish farz, bu qabohatning oldini oladi. Yaxshiga yondoshgan ayni muddao, bu fazilatga yo‘l ochadi.

Oʻ

• Oʻzing muqarrar toat-ibodat qilmaganingdan keyin boshqadan buni talab etib nima qilasan?